सज्जनहरुलाइ पागल बनाउने
दुर्जनहरुलाइ सज्जन बनाउने
भोकाहरुका निम्ति खाना जस्तै
प्रेम भन्नू नै बाहाना जस्तै !
हजार चाहानाहरुको मलामी हो प्रेम
अध्यारा रातहरूमा सुनौलो बिहानी हो प्रेम
केहिथान खुसिहरु बाहेक
धेरै त चिहान माथिको खरानी हो प्रेम!
हास्दाहास्दै रुनुपर्ने सपना हो प्रेम
रुदारुदै हास्नुपर्ने बिपना हो प्रेम
मर्दामर्दै बाच्नुपर्ने सस्तो यो प्रेम
बाच्दा बाच्दै मर्नुपर्ने कस्तो यो प्रेम !
गन्तव्य भेट्न दौडिदै गर्दा
पासोमा अल्झेको हरिण हो प्रेम
नजरे नजरको चोट लागेर
हासोमा बल्झेको मरण हो प्रेम !
दुई मनहरुको भेटहुने संगम हो प्रेम
दुई किनारको कहानी जस्तै जंघम हो प्रेम
बैसको उन्मादमा फुलेको मात हो प्रेम
क्षणमै खुसी खोसिएको बिस्मात हो प्रेम !
सर्बस्व सम्झनेहरुलाइ काल हो प्रेम
अवसरमा रम्नेहरुलाइ बबाल हो प्रेम
कहिल्यै नछुट्नेहरुलाइ कमाल हो प्रेम
बारम्बार छुट्नेहरुलाइ डामाडोल हो प्रेम !
सत्य युगमा मात्रै प्राप्ती हो प्रेम
कलियुगमा त व्यापार हो प्रेम
कोहि जुनतारा हो भन्छन प्रेम
यस्तो लाग्छ अन्धाहरुको खेल हो प्रेम !